Basir Sultan Kazmi's Photo'

Basir Sultan Kazmi

1953 | Manchester, England

Modern Urdu poet & son of well known poet Nasir Kazmi

Modern Urdu poet & son of well known poet Nasir Kazmi

6.2K
Favorite

SORT BY

gilā bhī tujh se bahut hai magar mohabbat bhī

vo baat apnī jagah hai ye baat apnī jagah

gila bhi tujh se bahut hai magar mohabbat bhi

wo baat apni jagah hai ye baat apni jagah

kaise yaad rahī tujh ko

merī ik chhoTī bhuul

kaise yaad rahi tujh ko

meri ek chhoTi si bhul

jab bhī mile ham un se unhoñ ne yahī kahā

bas aaj aane vaale the ham aap taraf

jab bhi mile hum un se unhon ne yahi kaha

bas aaj aane wale the hum aap ki taraf

dil lagā lete haiñ ahl-e-dil vatan koī bhī ho

phuul ko khilne se matlab hai chaman koī bhī ho

dil laga lete hain ahl-e-dil watan koi bhi ho

phul ko khilne se matlab hai chaman koi bhi ho

ruk gayā haath tirā kyuuñ 'bāsir'

koī kāñTā to na thā phūloñ meñ

ruk gaya hath tera kyun 'basir'

koi kanTa to na tha phulon mein

jab sāmne hotā hai

aur kahīñ hotā huuñ maiñ

tu jab samne hota hai

aur kahin hota hun main

'bāsir' tumheñ yahāñ abhī tajraba nahīñ

bīmār ho? paḌe raho, mar bhī ga.e to kyā

'basir' tumhein yahan ka abhi tajraba nahin

bimar ho? paDe raho, mar bhi gae to kya

ḳhatm huiiñ saarī bāteñ

achchhā ab chaltā huuñ maiñ

KHatm huin sari baaten

achchha ab chalta hun main

tere diye hue dukh

tere naam kareñge

tere diye hue dukh

tere nam karenge

kuchh to hassās ham ziyāda haiñ

kuchh vo barham ziyāda hotā hai

kuchh to hassas hum ziyaada hain

kuchh wo barham ziyaada hota hai

ab dil ko samjhā.e kaun

baat agarche hai ma.aqūl

ab dil ko samjhae kaun

baat agarche hai maqul

chamkī thī ek barq phūloñ ke ās-pās

phir kyā huā chaman meñ mujhe kuchh ḳhabar nahīñ

chamki thi ek barq si phulon ke aas-pas

phir kya hua chaman mein mujhe kuchh KHabar nahin

apnī bātoñ ke zamāne to havā-burd hue

ab kiyā karte haiñ ham sūrat-e-hālāt pe baat

apni baaton ke zamane to hawa-burd hue

ab kiya karte hain hum surat-e-haalat pe baat

baḌh ga.ī tujh se mil ke tanhā.ī

ruuh jūyā-e-ham-subū thī bahut

baDh gai tujh se mil ke tanhai

ruh juya-e-ham-subu thi bahut