hote hain jo sab ke wo kisi ke nahin hote

Basir Sultan Kazmi

hote hain jo sab ke wo kisi ke nahin hote

Basir Sultan Kazmi

MORE BYBasir Sultan Kazmi

    hote haiñ jo sab ke vo kisī ke nahīñ hote

    auroñ ke to kyā hoñge vo apne nahīñ hote

    mil un se kabhī jāgte haiñ jin ke muqaddar

    terī tarah har vaqt vo so.e nahīñ hote

    din meñ jo phirā karte haiñ hushiyār o ḳhabar-dār

    vo merī tarah raat ko jaage nahīñ hote

    ham un taraf se kabhī hote nahīñ ġhāfil

    rishte vahī pakke haiñ jo pakke nahīñ hote

    aġhyār ne muddat se jo roke hue the kaam

    ab ham bhī ye dekheñge vo kaise nahīñ hote

    nākāmī sūrat meñ mile tāna-e-nā-yāfat

    ab kaam mire itne bhī kachche nahīñ hote

    shab ahl-e-havas aise pareshān the 'bāsir'

    jaise mah-o-anjum kabhī dekhe nahīñ hote

    hote hain jo sab ke wo kisi ke nahin hote

    auron ke to kya honge wo apne nahin hote

    mil un se kabhi jagte hain jin ke muqaddar

    teri tarah har waqt wo soe nahin hote

    din mein jo phira karte hain hushiyar o KHabar-dar

    wo meri tarah raat ko jage nahin hote

    hum un ki taraf se kabhi hote nahin ghafil

    rishte wahi pakke hain jo pakke nahin hote

    aghyar ne muddat se jo roke hue the kaam

    ab hum bhi ye dekhenge wo kaise nahin hote

    nakaami ki surat mein mile tana-e-na-yafat

    ab kaam mere itne bhi kachche nahin hote

    shab ahl-e-hawas aise pareshan the 'basir'

    jaise mah-o-anjum kabhi dekhe nahin hote

    Source :
    • Book : Urdu Gazal Ka Magribi Daricha (Pg. 255)
    • Author : Dr. Jawaz Jafri
    • Publication : Kitabsaray Lahore (Pakistan) (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY