Sher of Syed Wahidudeen Salim
bhalā vo ḳhātir-e-āzurda kī taskīn kyā jāneñ
jinhoñ ne ḳhud-numā.ī ḳhud-parastī zindagī bhar kī
bhala wo KHatir-e-azurda ki taskin kya jaanen
jinhon ne KHud-numai KHud-parasti zindagi bhar ki
kis qadar tund bharī hai mire paimāne meñ
ki chhiḌak duuñ to lage aag abhī maiḳhāne meñ
kis qadar tund bhari hai mere paimane mein
ki chhiDak dun to lage aag abhi maiKHane mein
