ilāj-e-dil ke liye aur ab kahāñ jaa.eñ

tumhāre shahr meñ sab kuchh milā davā ke sivā

ilaj-e-dil ke liye aur ab kahan jaen

tumhaare shahr mein sab kuchh mila dawa ke siwa

the merī raah meñ lākhoñ butān-e-naḳhvat-o-nāz

kahīñ bhī sar na jhukā tere naqsh-e-pā ke sivā

the meri rah mein lakhon butan-e-naKHwat-o-naz

kahin bhi sar na jhuka tere naqsh-e-pa ke siwa

bahut se ġham to diye 'zabt' aise logoñ ne

ki jin se koī tavaqqo na thī vafā ke sivā

bahut se gham to diye 'zabt' aise logon ne

ki jin se koi tawaqqo na thi wafa ke siwa