zard chehre ko baḌe shauq se sab dekhte haiñ

TūTne vaale haiñ sarsabz shajar se ham bhī

zard chehre ko baDe shauq se sab dekhte hain

TuTne wale hain sarsabz shajar se hum bhi

ḳhushī se apnā ghar ābād kar ke

bahut ro.eñge tum ko yaad kar ke

KHushi se apna ghar aabaad kar ke

bahut roenge tum ko yaad kar ke

yuuñ hī ham dard apnā kho rahe haiñ

yahī ronā hai ham kyuuñ ro rahe haiñ

yun hi hum dard apna kho rahe hain

yahi rona hai hum kyun ro rahe hain

jis kī kuchh tābīr na ho

ḳhvāb usī ko kahte haiñ

jis ki kuchh tabir na ho

KHwab usi ko kahte hain

sadiyoñ meñ koī ek mohabbat hotī hai

baaqī to sab khel tamāshā hotā hai

sadiyon mein koi ek mohabbat hoti hai

baqi to sab khel tamasha hota hai

sat.hī logoñ meñ gahrā.ī hotī hai

ye Duube to paanī gahrā hotā hai

sathi logon mein gahrai hoti hai

ye Dube to pani gahra hota hai

zamāne bhar ko hai ummīd usī se

vo nā-ummīd aisā kar rahā hai

zamane bhar ko hai ummid usi se

wo na-ummid aisa kar raha hai

kisī din uqda-e-mushkil bhī khultā

kabhī ham par bhī tum āsān hote

kisi din uqda-e-mushkil bhi khulta

kabhi hum par bhi tum aasan hote

kuchh na hote hote ik din ye huā

saikḌoñ sadiyoñ kā hāsil ho ga.e

kuchh na hote hote ek din ye hua

saikDon sadiyon ka hasil ho gae

aur ehsās-e-jihālat baḌh gayā

kis qadar paḌh likh ke jāhil ho ga.e

aur ehsas-e-jihaalat baDh gaya

kis qadar paDh likh ke jahil ho gae