kisī ke hoñT par khilī hañsī kī maiñ asiir huuñ

luTī huī mohabbatoñ kī dekh lo nazīr huuñ

kisi ke honT par khili hansi ki main asir hun

luTi hui mohabbaton ki dekh lo nazir hun

ik baar jis ko dil se nikālā hai ham ne phir

us ko kisī bhī dil meñ rasā.ī nahīñ milī

ek bar jis ko dil se nikala hai hum ne phir

us ko kisi bhi dil mein rasai nahin mili

aane vāloñ ko mirā 'ishq tamāshā na lage

ham yahāñ tak tire pahlū se sarakte aa.e

aane walon ko mera 'ishq tamasha na lage

hum yahan tak tere pahlu se sarakte aae

us kī ujlī peshānī se itnī vahshat hotī hai

us se mil kar pahroñ ḳhud ko tārīkī meñ rakhtī huuñ

us ki ujli peshani se itni wahshat hoti hai

us se mil kar pahron KHud ko tariki mein rakhti hun

ghabrā ga.ī huuñ yaar hujūm-e-butāñ se maiñ

ab āhū-e-nigāh ko sahrā-e-hū dikhā

ghabra gai hun yar hujum-e-butan se main

ab aahu-e-nigah ko sahra-e-hu dikha

rang badlā huā hai maujoñ kā

kaun utrā thā aaj paanī meñ

rang badla hua hai maujon ka

kaun utra tha aaj pani mein

us kī āñkhoñ ne hathelī pe lahū chhiḌkā hai

tab kahīñ jā ke chaḌhā rang-e-hinā.ī mujh par

us ki aankhon ne hatheli pe lahu chhiDka hai

tab kahin ja ke chaDha rang-e-hinai mujh par

mire ā'sāb pe taarī hai tirā 'ishq magar

maiñ tire vajd kī gardish meñ nahīñ aane kī

mere aa'sab pe tari hai tera 'ishq magar

main tere wajd ki gardish mein nahin aane ki