ek bosa udhār hai tum par

aur chaa.e bhī tez pattī kī

ek bosa udhaar hai tum par

aur chae bhi tez patti ki

ḳhudā ko ḳhat likhūñgā ḳhud-kushī kā

likhūñgā maiñ resign kar rahā huuñ

KHuda ko KHat likhunga KHud-kushi ka

likhunga main resign kar raha hun

safar nigal ga.e ham ko vagarna ham ne bhī

kahīñ pahuñch ke kisī ko gale lagānā thā

safar nigal gae hum ko wagarna hum ne bhi

kahin pahunch ke kisi ko gale lagana tha

jaane is vaqt kahāñ phone paḌā ho us kā

jaane is vaqt vo kis shaḳhs kī āġhosh meñ ho

jaane is waqt kahan phone paDa ho us ka

jaane is waqt wo kis shaKHs ki aaghosh mein ho

us kī āñkhoñ pe mire paas koī she'r nahīñ

ek mazmūn hai mazmūn bhī tafsīlī hai

us ki aankhon pe mere pas koi she'r nahin

ek mazmun hai mazmun bhi tafsili hai