یہ جو لاہور سے محبت ہے

یہ کسی اور سے محبت ہے

مجھے ٹھکرا دیا تو نے فقط شاعر سمجھ کر آج

مری نظمیں ترے بچے سلیبس میں پڑھیں تو پھر

جب سے اس کی آنکھ میں آنسو دیکھے ہیں

تب سے مجھ کو پانی سے ڈر لگتا ہے

اے محبت مجھ کو ایسا حوصلہ خیرات کر

اس کو بازو سے پکڑ کر کہہ سکوں کہ بات کر

سر پر یہ جو چھت کا سایہ ہوتا ہے

دیواروں نے بوجھ اٹھایا ہوتا ہے

میں شہر میں تنہا ہی اسے ڈھونڈ رہا ہوں

جو سب سے چھپائی تھی وہی چیز گمی ہے

وہ چاہتا ہے مہینہ کٹے نہ جلدی سے

کرایہ دار کے دکھ بھی عجیب ہوتے ہیں

کبھی کبھی تو مجھے داد اتنی ملتی ہے

کہ سارے گھر کا گزارہ اسی سے ہوتا ہے

رسموں کو نہیں پیروں کی زنجیر کیا

میں نے جو محسوس کیا تحریر کیا