nazar kisī ko vo mū-e-kamar nahīñ aatā

ba-rañg-e-tār-e-nazar hai nazar nahīñ aatā

nazar kisi ko wo mu-e-kamar nahin aata

ba-rang-e-tar-e-nazar hai nazar nahin aata

kyā ġhair kyā aziiz koī nauhagar na ho

ai jaan yuuñ nikal ki badan tak ḳhabar na ho

kya ghair kya aziz koi nauhagar na ho

ai jaan yun nikal ki badan tak KHabar na ho

sehhat hai maraz qazā shifā hai

allāh hakīm hai hamārā

sehhat hai maraz qaza shifa hai

allah hakim hai hamara

chashm-e-bātin meñ se jab zāhir kā parda uTh gayā

jo musalmāñ thā vahī hindū nazar aayā mujhe

chashm-e-baatin mein se jab zahir ka parda uTh gaya

jo musalman tha wahi hindu nazar aaya mujhe

kyā diyā bosa lab-e-shīrīñ kā ho kar tursh-rū

muñh huā mīThā to kyā dil apnā khaTTā ho gayā

kya diya bosa lab-e-shirin ka ho kar tursh-ru

munh hua miTha to kya dil apna khaTTa ho gaya