rone lage to kaun hameñ chup karā.egā

so is kī ehtiyāt hai ham ro nahīñ rahe

rone lage to kaun hamein chup karaega

so is ki ehtiyat hai hum ro nahin rahe

tum ko afsos tumheñ Thiik banāyā na gayā

aur ik ham ki abhī chaak pe rakkhe na ga.e

tum ko afsos tumhein Thik banaya na gaya

aur ek hum ki abhi chaak pe rakkhe na gae

agar hotā to ḳhud ko phir banātā

magar afsos kūza-gar nahīñ huuñ

agar hota to KHud ko phir banata

magar afsos kuza-gar nahin hun

ye gila hai ki hārtā bhī nahīñ

biich meñ khel chhoḌ detā huuñ

ye gila hai ki haarta bhi nahin

bich mein khel chhoD deta hun

is jangal ke peḌoñ se maiñ vāqif huuñ

gir jaate the jis par saayā karte the

is jangal ke peDon se main waqif hun

gir jate the jis par saya karte the

apne āñgan meñ parinde dekh kar

jism kī Tahnī se uḌ jaate haiñ ham

apne aangan mein parinde dekh kar

jism ki Tahni se uD jate hain hum

hosh meñ aate hī ho jaate haiñ chup

aur be-hoshī meñ chillāte haiñ ham

hosh mein aate hi ho jate hain chup

aur be-hoshi mein chillate hain hum

koī qissa nahīñ sunāne ko

kaise bahlā.ūñgā zamāne ko

koi qissa nahin sunane ko

kaise bahlaunga zamane ko

ik sadā āsmāñ se aatī hai

aur maiñ dhyān tak nahīñ detā

ek sada aasman se aati hai

aur main dhyan tak nahin deta

sochtā huuñ ki tujh ko mujh se koī

hādisa hī bachā ke le jaa.e

sochta hun ki tujh ko mujh se koi

hadisa hi bacha ke le jae