aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pand-nama

Dagh Dehlvi

pand-nama

Dagh Dehlvi

MORE BYDagh Dehlvi

    Interesting Fact

    Dagh Dehlavi's exquisite work is for the guidance of new poets in which the art of poetry has been highlighted from various aspects. This pamphlet mentions various literary and objective terms, the meaning of which should be known to the students of literature. He had instinctively composed this instruction for his students on the orders of his student Ahsan Marharvi.

    apne shāgirdoñ ko ye aam hidāyat hai mirī

    ki samajh leñ tah-e-dil se vo bajā-o-bejā

    sher-goī meñ raheñ madd-e-nazar ye bāteñ

    ki baġhair in ke fasāhat nahīñ hotī paidā

    chust bandish ho na ho sust yahī ḳhūbī hai

    vo fasāhat se girā sher meñ jo harf dabā

    arabī fārsī alfāz jo urdu meñ kaheñ

    harf-e-illat burā in meñ hai girnā dabnā

    alif-e-vasl agar aa.e to kuchh aib nahīñ

    lekin alfāz meñ urdu ke ye girnā hai ravā

    jis meñ gunjlak na ho thoḌī bhī sarāhat hai vahī

    vo kināya hai jo tasrīh se bhī ho aulā

    aib-o-ḳhūbī samajhnā hai ik amr-e-nāzuk

    pahle kuchh aur thā ab rañg-e-zabāñ aur huā

    yahī urdu hai jo pahle se chalī aatī hai

    ahl-e-dehlī ne ise aur se ab aur kiyā

    mustanad ahl-e-zabāñ ḳhaas haiñ dillī vaale

    is meñ ġhairoñ tasarruf nahīñ maanā jaatā

    jauharī naqd-e-suḳhan ke haiñ parakhne vaale

    hai vo Tiksāl se bāhar jo kasauTī na chaḌhā

    ba.az alfāz jo do aa.e haiñ ik ma.anā meñ

    ek ko tark kiyā ek ko qaa.em rakkhā

    tark jo lafz kiyā ab vo nahīñ musta.amal

    agle logoñ zabāñ par vahī detā thā maza

    garche ta.aqīd burī hai magar achchhī hai kahīñ

    ho jo bandish meñ munāsib to nahīñ aib zarā

    sher meñ hashv-o-zavā.ed bhī bure hote haiñ

    aisī bhartī ko samajhte nahīñ shā.ir achchhā

    gar kisī sher meñ ītā-e-jalī aatā hai

    vo baḌā aib hai kahte haiñ use be-ma.anā

    isti.āra jo maze ho maze tashbīh

    is meñ ik lutf hai is kahne phir kyā kahnā

    istilāh achchhī masal achchhī ho bandish achchhī

    roz-marra bhī rahe saaf fasāhat se bharā

    hai izāfat bhī zarūrī magar aisī to na ho

    ek misre meñ jo ho chaar jagah balki sivā

    atf bhī hai yahī haal yahī sūrat hai

    vo bhī aa.e mutavātir to nihāyat hai burā

    laff-o-nashr aa.e murattab vo bahut achchhā hai

    aur ho ġhair-murattab to nahīñ kuchh bejā

    sher meñ aa.e jo īhām kisī mauqe par

    kaifiyat us meñ bhī hai vo bhī nihāyat achchhā

    jo na marġhūb-e-tabī.at ho burī hai vo radīf

    sher be-lutf hai gar qāfiya ho be-Dhañga

    ek misre meñ ho tum dūsre misre meñ ho

    ye shutur-gurba huā maiñ ne ise tark kiyā

    chand bahreñ muta.ārif haiñ faqat urdu meñ

    fārsī meñ arabī meñ haiñ magar in se sivā

    sher meñ hotī hai shā.ir ko zarūrat is

    gar aruuz us ne paḌhā vo hai suḳhan-var daanā

    muḳhtasar ye hai ki hotī hai tabī.at ustād

    den allāh hai jis ko ye ne.amat ho atā

    be-asar ke nahīñ hotā kabhī maqbūl kalām

    aur tāsīr vo shai hai jise detā hai ḳhudā

    garche duniyā meñ hue aur haiñ lākhoñ shā.ir

    kasb-e-fan se nahīñ hotī hai ye ḳhūbī paidā

    sayyad-'ahsan' jo mire dost bhī shāgird bhī haiñ

    jin ko allāh ne fikr-e-rasā tab-e-rasā

    sher ke husn-o-qabā.eh jo unhoñ ne pūchhe

    un darḳhvāst se ik qit.a ye barjasta kahā

    pand-nāma jo kahā 'dāġh' ne be-kār nahīñ

    kaam qit.a hai ye vaqt pe kaam aa.egā

    apne shagirdon ko ye aam hidayat hai meri

    ki samajh len tah-e-dil se wo baja-o-beja

    sher-goi mein rahen madd-e-nazar ye baaten

    ki baghair in ke fasahat nahin hoti paida

    chust bandish ho na ho sust yahi KHubi hai

    wo fasahat se gira sher mein jo harf daba

    arabi farsi alfaz jo urdu mein kahen

    harf-e-illat ka bura in mein hai girna dabna

    alif-e-wasl agar aae to kuchh aib nahin

    lekin alfaz mein urdu ke ye girna hai rawa

    jis mein gunjlak na ho thoDi bhi sarahat hai wahi

    wo kinaya hai jo tasrih se bhi ho aula

    aib-o-KHubi ka samajhna hai ek amr-e-nazuk

    pahle kuchh aur tha ab rang-e-zaban aur hua

    yahi urdu hai jo pahle se chali aati hai

    ahl-e-dehli ne ise aur se ab aur kiya

    mustanad ahl-e-zaban KHas hain dilli wale

    is mein ghairon ka tasarruf nahin mana jata

    jauhari naqd-e-suKHan ke hain parakhne wale

    hai wo Tiksal se bahar jo kasauTi na chaDha

    baz alfaz jo do aae hain ek mana mein

    ek ko tark kiya ek ko qaem rakkha

    tark jo lafz kiya ab wo nahin mustamal

    agle logon ki zaban par wahi deta tha maza

    garche taqid buri hai magar achchhi hai kahin

    ho jo bandish mein munasib to nahin aib zara

    sher mein hashw-o-zawaed bhi bure hote hain

    aisi bharti ko samajhte nahin shair achchha

    gar kisi sher mein ita-e-jali aata hai

    wo baDa aib hai kahte hain use be-mana

    istiara jo maze ka ho maze ki tashbih

    is mein ek lutf hai is kahne ka phir kya kahna

    istilah achchhi masal achchhi ho bandish achchhi

    roz-marra bhi rahe saf fasahat se bhara

    hai izafat bhi zaruri magar aisi to na ho

    ek misre mein jo ho chaar jagah balki siwa

    atf ka bhi hai yahi haal yahi surat hai

    wo bhi aae mutawatir to nihayat hai bura

    laff-o-nashr aae murattab wo bahut achchha hai

    aur ho ghair-murattab to nahin kuchh beja

    sher mein aae jo iham kisi mauqe par

    kaifiyat us mein bhi hai wo bhi nihayat achchha

    jo na marghub-e-tabiat ho buri hai wo radif

    sher be-lutf hai gar qafiya ho be-Dhanga

    ek misre mein ho tum dusre misre mein ho tu

    ye shutur-gurba hua main ne ise tark kiya

    chand bahren mutaarif hain faqat urdu mein

    farsi mein arabi mein hain magar in se siwa

    sher mein hoti hai shair ko zarurat is ki

    gar aruz us ne paDha wo hai suKHan-war dana

    muKHtasar ye hai ki hoti hai tabiat ustad

    den allah ki hai jis ko ye neamat ho ata

    be-asar ke nahin hota kabhi maqbul kalam

    aur tasir wo shai hai jise deta hai KHuda

    garche duniya mein hue aur hain lakhon shair

    kasb-e-fan se nahin hoti hai ye KHubi paida

    sayyad-'ahsan' jo mere dost bhi shagird bhi hain

    jin ko allah ne di fikr-e-rasa tab-e-rasa

    sher ke husn-o-qabaeh jo unhon ne puchhe

    un ki darKHwast se ek qita ye barjasta kaha

    pand-nama jo kaha 'dagh' ne be-kar nahin

    kaam ka qita hai ye waqt pe kaam aaega

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now