aab-o-hawa-e-dasht ne mujhko talab kiya

āb-o-havā-e-dasht ne mujh ko talab kiyā

majnūñ ne merā haal batā kar ġhazab kiyā

mahfil meñ qissa-go ke 'alāva koī na thā

āġhāz us ne merī kahānī kā jab kiyā

is zindagī ke ham se taqāze 'ajīb the

jo kuchh hamāre bas meñ nahīñ thā vo sab kiyā

bekār hī chalā hai tū asbāb DhūñDhne

maiñ ne to jo bhī kaam kiyā be-sabab kiyā

'kāshif-husain' yaar makīnoñ ke saath saath

maiñ ne to bām-o-dar kā bhī dil se adab kiyā

aab-o-hawa-e-dasht ne mujh ko talab kiya

majnun ne mera haal bata kar ghazab kiya

mahfil mein qissa-go ke 'alawa koi na tha

aaghaz us ne meri kahani ka jab kiya

is zindagi ke hum se taqaze 'ajib the

jo kuchh hamare bas mein nahin tha wo sab kiya

bekar hi chala hai tu asbab DhunDhne

main ne to jo bhi kaam kiya be-sabab kiya

'kashif-husain' yar makinon ke sath sath

main ne to baam-o-dar ka bhi dil se adab kiya