aaKHiri bar bas itni si wafa karna dost

āḳhirī baar bas itnī sī vafā karnā dost

haath uTThe to mire haq meñ du'ā karnā dost

ham jo sādāt ke naukar haiñ so aatā hai hameñ

nok-e-neza pe bhī āshob-e-navā karnā dost

ek buḌhiyā jo bilak kar ye jabīñ chūmtī ho

itnā āsān nahīñ us ko judā karnā dost

jab bhī vahshat ke sabab chīḳhne lag jaa.e badan

aisā karnā ki mirā naam japā karnā dost

be-ridā.ī hī meñ baḳhshā gayā duniyā ko shu'ūr

apnī zulfoñ ko bhī 'ismat kī ridā karnā dost

tujh se jo sham' farozāñ ho farozāñ hī rahe

mere bhī naam koī ek diyā karnā dost

aaKHiri bar bas itni si wafa karna dost

hath uTThe to mere haq mein du'a karna dost

hum jo sadat ke naukar hain so aata hai hamein

nok-e-neza pe bhi aashob-e-nawa karna dost

ek buDhiya jo bilak kar ye jabin chumti ho

itna aasan nahin us ko juda karna dost

jab bhi wahshat ke sabab chiKHne lag jae badan

aisa karna ki mera nam japa karna dost

be-ridai hi mein baKHsha gaya duniya ko shu'ur

apni zulfon ko bhi 'ismat ki rida karna dost

tujh se jo sham' farozan ho farozan hi rahe

mere bhi nam koi ek diya karna dost