ab faslon ke baDhte azabon mein aaunga
ab fāsloñ ke baḌhte 'azāboñ meñ ā.ūñgā
kis ne kahā ki maiñ tire ḳhvāboñ meñ ā.ūñgā
lā mat kisī shumār meñ mujh be-shumār ko
maiñ kyā bhalā kisī ke hisāboñ meñ ā.ūñgā
bhūlā nahīñ agar tirī yādoñ kī talḳhiyāñ
ik roz maiñ bhī ġham kī tanāboñ meñ ā.ūñgā
hote raheñge merī mohabbat pe tabsire
maiñ shā'irī karūñgā nisāboñ meñ ā.ūñgā
jhūTā huuñ gar to sach kī ridā oḌh kar 'ḳhizar'
tārīḳh kī nisābī kitāboñ meñ ā.ūñgā
ab faslon ke baDhte 'azabon mein aaunga
kis ne kaha ki main tere KHwabon mein aaunga
la mat kisi shumar mein mujh be-shumar ko
main kya bhala kisi ke hisabon mein aaunga
bhula nahin agar teri yaadon ki talKHiyan
ek roz main bhi gham ki tanabon mein aaunga
hote rahenge meri mohabbat pe tabsire
main sha'iri karunga nisabon mein aaunga
jhuTa hun gar to sach ki rida oDh kar 'KHizar'
tariKH ki nisabi kitabon mein aaunga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
