ab ke mumkin hai wo chadar hi faraham ho jae
ab ke mumkin hai vo chādar hī farāham ho jaa.e
sar pe bāñdhūñ to kafan kholūñ to parcham ho jaa.e
phir samajhnā ki mujhe 'ishq nahīñ hai tujh se
tere milne se agar terī kamī kam ho jaa.e
itnī shiddat se mire zaḳhm ke baare meñ na soch
yuuñ na ho ghul ke tirā haath hī marham ho jaa.e
apne ġhusse ko agar zabt maiñ kar luuñ 'tābish'
merī muTThī meñ jo patthar hai vo nīlam ho jaa.e
ab ke mumkin hai wo chadar hi faraham ho jae
sar pe bandhun to kafan kholun to parcham ho jae
phir samajhna ki mujhe 'ishq nahin hai tujh se
tere milne se agar teri kami kam ho jae
itni shiddat se mere zaKHm ke bare mein na soch
yun na ho ghul ke tera hath hi marham ho jae
apne ghusse ko agar zabt main kar lun 'tabish'
meri muTThi mein jo patthar hai wo nilam ho jae
- Book : Agar Main Sher Na Kahta (Pg. 111)
- Author :Abbas Tabish
- Publication : Rekhta Publications (2022)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
