achchha mera KHayal hai tum kyon chale gae

achchhā mirā ḳhayāl hai tum kyoñ chale ga.e

ab tak mujhe malāl hai tum kyoñ chale ga.e

shikva na thā na koī shikāyat thī mujh se jab

phir tum se ye savāl hai tum kyoñ chale ga.e

mujh ko to Das rahī haiñ ye āyāt-e-vasl bhī

aur hijr bhī muhāl hai tum kyoñ chale ga.e

sochā na tum ne merā ki kaise tumhāre bin

mushkil ye sab vabāl hai tum kyoñ chale ga.e

tum to chale ga.e ho magar jānte ho tum

dukh se ye dil niDhāl hai tum kyoñ chale ga.e

tum to nahīñ ho maiñ huuñ fuġhāñ hai sukūt hai

aur vahshatoñ kā jaal hai tum kyoñ chale ga.e

uThtā hai mere dil meñ musalsal jo kuchh nahīñ

'hamza' vo bas savāl hai tum kyoñ chale ga.e

achchha mera KHayal hai tum kyon chale gae

ab tak mujhe malal hai tum kyon chale gae

shikwa na tha na koi shikayat thi mujh se jab

phir tum se ye sawal hai tum kyon chale gae

mujh ko to Das rahi hain ye aayat-e-wasl bhi

aur hijr bhi muhaal hai tum kyon chale gae

socha na tum ne mera ki kaise tumhaare bin

mushkil ye sab wabaal hai tum kyon chale gae

tum to chale gae ho magar jaante ho tum

dukh se ye dil niDhaal hai tum kyon chale gae

tum to nahin ho main hun fughan hai sukut hai

aur wahshaton ka jal hai tum kyon chale gae

uThta hai mere dil mein musalsal jo kuchh nahin

'hamza' wo bas sawal hai tum kyon chale gae