agar dil humse diwane na denge

agar dil ham se dīvāne na deñge

to degā kaun farzāne na deñge

tumheñ ab dil meñ ham aane na deñge

agar aa.e to phir jaane na deñge

batā ai sham' kis ġham meñ jalegī

agar jaañ tujh pe parvāne na deñge

kahāñ hoñge bhalā tā'mīr kā'be

jagah un ko jo mai-ḳhāne na deñge

rahegī dil hī dil meñ baat dil kī

kisī ko ham ye afsāne na deñge

bahut dekhā hai ham ne un kā vā'da

unheñ ab dil ko bahkāne na deñge

vo sham'-rū agar mahfil meñ aa.e

to us ko raah parvāne na deñge

tirī mahfil meñ ahl-e-dil agar haiñ

to kyā vo dil ke nazrāne na deñge

maleñge aap bhī dast-e-ta.assuf

agar ham ko sukūñ paane na deñge

tirī mahfil meñ jo sardār Thahre

vahī ik sar ke nazrāne na deñge

'amar' hote haiñ vo bhī ek sayyād

jo daana Daal kar khāne na deñge

agar dil hum se diwane na denge

to dega kaun farzane na denge

tumhein ab dil mein hum aane na denge

agar aae to phir jaane na denge

bata ai sham' kis gham mein jalegi

agar jaan tujh pe parwane na denge

kahan honge bhala ta'mir ka'be

jagah un ko jo mai-KHane na denge

rahegi dil hi dil mein baat dil ki

kisi ko hum ye afsane na denge

bahut dekha hai hum ne un ka wa'da

unhen ab dil ko bahkane na denge

wo sham'-ru agar mahfil mein aae

to us ko rah parwane na denge

teri mahfil mein ahl-e-dil agar hain

to kya wo dil ke nazrane na denge

malenge aap bhi dast-e-tassuf

agar hum ko sukun pane na denge

teri mahfil mein jo sardar Thahre

wahi ek sar ke nazrane na denge

'amar' hote hain wo bhi ek sayyaad

jo dana Dal kar khane na denge