agar kabhi kisi surat se ji bahal jata
agar kabhī kisī sūrat se jī bahal jaatā
rukā paḌā koī aañsū huuñ maiñ nikal jaatā
bichhaḌnā apnā muqaddar azal se hai lekin
ye sāniha kisī aglī ghaḌī ko Tal jaatā
qadam zarā se kisī aur samt uTh jaate
hamesha ke liye ghar kā pata badal jaatā
use jo merī zarūrat agar rahī hotī
kisī bhī shakl meñ vo chāhtā maiñ Dhal jaatā
tumhāre aane se sahrā meñ phuul to khilte
mire mizāj kā mausam bhī kuchh badal jaatā
qadam qadam pe sahāre kā ho gayā muhtāj
agar na thāmtā koī to maiñ sañbhal jaatā
sadā-e-ḳhair na 'balrāj' rok letī agar
bilā nishāna añdhere meñ tiir chal jaatā
agar kabhi kisi surat se ji bahal jata
ruka paDa koi aansu hun main nikal jata
bichhaDna apna muqaddar azal se hai lekin
ye saniha kisi agli ghaDi ko Tal jata
qadam zara se kisi aur samt uTh jate
hamesha ke liye ghar ka pata badal jata
use jo meri zarurat agar rahi hoti
kisi bhi shakl mein wo chahta main Dhal jata
tumhaare aane se sahra mein phul to khilte
mere mizaj ka mausam bhi kuchh badal jata
qadam qadam pe sahaare ka ho gaya muhtaj
agar na thamta koi to main sanbhal jata
sada-e-KHair na 'balraj' rok leti agar
bila nishana andhere mein tir chal jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
