agar tum chahte ho ab ki tum se bhi kinara kar liya jae

agar tum chāhte ho ab ki tum se bhī kināra kar liyā jaa.e

gavāra hai magar ḳhud hī kaho kaise gavāra kar liyā jaa.e

mulā.im chāñdnī kitnī bhalī lagtī hai in be-ḳhvāb āñkhoñ ko

ye maanā daaġh hai par chāñd terā isti'āra kar liyā jaa.e

zarā Thahro kise mā'lūm chauthī samt hoñ jangal kī vo āñkheñ

udhar jaanā hai par jaane se pahle istiḳhāra kar liyā jaa.e

lagā kar zaḳhm mere kah rahā hai vo batāo kis kī baarī hai

maza aa jaa.e jo phir apnī hī jānib ishāra kar liyā jaa.e

sunā hai tū is aañsū kī tarah nāzāñ bahut vus'at pe apnī hai

batā ai āsmāñ tujh ko bhī āñkhoñ meñ sharāra kar liyā jaa.e

jahāñ ab ḳhaak uḌtī hai kabhī dariyā-e-mustaqbil thā vo logo

chalo ik baar phir sahrā-e-māzī kā nazāra kar liyā jaa.e

agar tum chahte ho ab ki tum se bhi kinara kar liya jae

gawara hai magar KHud hi kaho kaise gawara kar liya jae

mulaim chandni kitni bhali lagti hai in be-KHwab aankhon ko

ye mana dagh hai par chand tera isti'ara kar liya jae

zara Thahro kise ma'lum chauthi samt hon jangal ki wo aankhen

udhar jaana hai par jaane se pahle istiKHara kar liya jae

laga kar zaKHm mere kah raha hai wo batao kis ki bari hai

maza aa jae jo phir apni hi jaanib ishaara kar liya jae

suna hai tu is aansu ki tarah nazan bahut wus'at pe apni hai

bata ai aasman tujh ko bhi aankhon mein sharara kar liya jae

jahan ab KHak uDti hai kabhi dariya-e-mustaqbil tha wo logo

chalo ek bar phir sahra-e-mazi ka nazara kar liya jae