ai zindagi bas aur nahin bas sakat nahin

ai zindagī bas aur nahīñ bas sakat nahīñ

is dil ko sang-e-rāh kī sūrat barat nahīñ

ruk jaa.e nabz fikr ke rukte hī kā.enāt

ab tak to merī ḳhaak meñ aisī sifat nahīñ

bhartī kā ek maiñ hī bachā thā nikal gayā

ab terā she'r saaf hai koī bharat nahīñ

kyoñ naqd bechne pe ba-zid ho tum apnī baat

hālāñki ab udhār meñ is kī khapat nahīñ

ab sochne lagā huuñ baḌhā duuñ dukān-e-shauq

filvaqt aise kaam meñ koī bachat nahīñ

nād-e-‘alī ke vird ko tār-e-nafas se joḌ

ab zindagī guzār mirī jaañ bhugat nahīñ

ai zindagi bas aur nahin bas sakat nahin

is dil ko sang-e-rah ki surat barat nahin

ruk jae nabz fikr ke rukte hi kaenat

ab tak to meri KHak mein aisi sifat nahin

bharti ka ek main hi bacha tha nikal gaya

ab tera she'r saf hai koi bharat nahin

kyon naqd bechne pe ba-zid ho tum apni baat

haalanki ab udhaar mein is ki khapat nahin

ab sochne laga hun baDha dun dukan-e-shauq

filwaqt aise kaam mein koi bachat nahin

nad-e-‘ali ke wird ko tar-e-nafas se joD

ab zindagi guzar meri jaan bhugat nahin