ajab hi kya hai agar dhund mein ghubar mein hai
ajab hī kyā hai agar dhuñd meñ ġhubār meñ hai
vo shaḳhs apne banā.e hue hisār meñ hai
kahāñ hai vaqt abhī ham ko dil lagāne kā
hamārī soch abhī fikr-e-rozgār meñ hai
ġhamoñ ke saa.e meñ ḳhushiyoñ ke phuul mahke haiñ
ḳhizāñ kā aks bhī kuchh mausam-e-bahār meñ hai
jo eqtidār ke laa.eq na thā kisī sūrat
sitam ye hai ki vahī shaḳhs eqtidār meñ hai
ḳhudā ko karnā hai vāpas rahe ḳhayāl 'ejāz'
hamāre paas to ye zindagī udhār meñ hai
ajab hi kya hai agar dhund mein ghubar mein hai
wo shaKHs apne banae hue hisar mein hai
kahan hai waqt abhi hum ko dil lagane ka
hamari soch abhi fikr-e-rozgar mein hai
ghamon ke sae mein KHushiyon ke phul mahke hain
KHizan ka aks bhi kuchh mausam-e-bahaar mein hai
jo eqtidar ke laeq na tha kisi surat
sitam ye hai ki wahi shaKHs eqtidar mein hai
KHuda ko karna hai wapas rahe KHayal 'ejaz'
hamare pas to ye zindagi udhaar mein hai
Source:
Tanha Nahin Hun Main (Pg. 66)
- Author: Ejaz Ansari
-
- Publisher: Shahzad Nadeem
- Year of Publication: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
