ajab hun main ki jo KHud dard-e-sar banata hun

ajab huuñ maiñ ki jo ḳhud dard-e-sar banātā huuñ

makān ban nahīñ saktā maiñ ghar banātā huuñ

utārtā huuñ maiñ vahshat varaq pe pahle phir

jo rañg udāsī kā bhartā huuñ Dar banātā huuñ

uḌānā maiñ ne hai ūñchī uḌaan shāhīñ ko

to fikr-o-fan se maiñ bhī bāl-o-par banātā huuñ

kabhī to kuuch hī karnā hai mujh ko duniyā se

to phir maiñ kis liye yaañ mustaqar banātā huuñ

kashīd kartā huuñ maiñ bhī kisī tamannā ko

gumāñ tarāshtā huuñ dard-e-sar banātā huuñ

maiñ ḳhud ko Dasne lagā huuñ kahānī gar 'hamza'

maiñ ḳhud ko phir se yahāñ maar kar banātā huuñ

ajab hun main ki jo KHud dard-e-sar banata hun

makan ban nahin sakta main ghar banata hun

utarta hun main wahshat waraq pe pahle phir

jo rang udasi ka bharta hun Dar banata hun

uDana main ne hai unchi uDan shahin ko

to fikr-o-fan se main bhi baal-o-par banata hun

kabhi to kuch hi karna hai mujh ko duniya se

to phir main kis liye yan mustaqar banata hun

kashid karta hun main bhi kisi tamanna ko

guman tarashta hun dard-e-sar banata hun

main KHud ko Dasne laga hun kahani gar 'hamza'

main KHud ko phir se yahan mar kar banata hun