andar se muntashir hun ki bahar shikasta hai

Iqbal Kausar

andar se muntashir hun ki bahar shikasta hai

Iqbal Kausar

MORE BY Iqbal Kausar

    andar se muntashir huuñ ki bāhar shikasta hai

    maiñ ḳhud shikasta huuñ ki mirā ghar shikasta hai

    har shai ke ḳhāl-o-ḳhad haiñ mire ḳhuuñ meñ muntashir

    har jism mere jism ke andar shikasta hai

    niklā thā kis naav meñ sāhil ke chaav meñ

    ab tak huuñ maiñ bahāv meñ lañgar shikasta hai

    ik sañg se hai fikr-e-arastū sharar-numā

    ik aa.ine meñ aks-e-sikandar shikasta hai

    ik mahviyat ki hairat-e-sāhil hai har taraf

    ik kaifiyat ki saarā samundar shikasta hai

    shīsha-e-nigah milā mujh ko chūr-chūr

    shīsha-e-jihat meñ ye manzar shikasta hai

    'kausar' badal ga.e haiñ parastish ke zā.iqe

    mehrāb sar-ḳhamīda hai mimbar shikasta hai

    andar se muntashir hun ki bahar shikasta hai

    main KHud shikasta hun ki mera ghar shikasta hai

    har shai ke KHal-o-KHad hain mere KHun mein muntashir

    har jism mere jism ke andar shikasta hai

    nikla tha kis ki naw mein sahil ke chaw mein

    ab tak hun main bahaw mein langar shikasta hai

    ek sang se hai fikr-e-arastu sharar-numa

    ek aaine mein aks-e-sikandar shikasta hai

    ek mahwiyat ki hairat-e-sahil hai har taraf

    ek kaifiyat ki sara samundar shikasta hai

    ya shisha-e-nigah hi mila mujh ko chur-chur

    ya shisha-e-jihat mein ye manzar shikasta hai

    'kausar' badal gae hain parastish ke zaiqe

    mehrab sar-KHamida hai mimbar shikasta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites