andhi gali se gham ki guzarna to sab ko hai

andhī galī se ġham kī guzarnā to sab ko hai

jiinā bhī sab ko chāhiye marnā to sab ko hai

phūloñ kā zikr kyā ki havāoñ ke sāmne

ḳhushbū ke saath saath bikharnā to sab ko hai

bahr-e-ta'alluqāt kī is be-karānī meñ

achchhā hai Duub jaa.eñ ubharnā to sab ko hai

saare nuqūsh zehn se miTnā haiñ ek din

kyā yaad rakh ke kiije bisarnā to sab ko hai

iz.hār-e-'ishq karne meñ kam-himmatī haiñ log

kahtā koī nahīñ yahāñ varna to sab ko hai

ḳhāl-o-ḳhad-e-hayāt kī tashkīl ke liye

duniyā-e-āb-o-gil meñ sañvarnā to sab ko hai

'āzar' ye baat sun ke mire hosh uḌ ga.e

kahte haiñ zindagī se guzarnā to sab ko hai

andhi gali se gham ki guzarna to sab ko hai

jina bhi sab ko chahiye marna to sab ko hai

phulon ka zikr kya ki hawaon ke samne

KHushbu ke sath sath bikharna to sab ko hai

bahr-e-ta'alluqat ki is be-karani mein

achchha hai Dub jaen ubharna to sab ko hai

sare nuqush zehn se miTna hain ek din

kya yaad rakh ke kije bisarna to sab ko hai

izhaar-e-'ishq karne mein kam-himmati hain log

kahta koi nahin yahan warna to sab ko hai

KHal-o-KHad-e-hayat ki tashkil ke liye

duniya-e-ab-o-gil mein sanwarna to sab ko hai

'azar' ye baat sun ke mere hosh uD gae

kahte hain zindagi se guzarna to sab ko hai