ashk tare bana liye maine
ashk taare banā liye maiñ ne
dukh sharāre banā liye maiñ ne
ek dariyā na ban sakā mujh se
do kināre banā liye maiñ ne
kitnī dīvāreñ kitne darvāze
Dar ke maare banā liye maiñ ne
dhuup meñ baiThā aur kyā kartā
abr-pāre banā liye maiñ ne
ab ishāroñ se kaam letā huuñ
kuchh ishāre banā liye maiñ ne
āsmāñ ko bhī jo nasīb nahīñ
vo sitāre banā liye maiñ ne
kyā karūñ chaak toḌ duuñ 'ġhā.er'
kuuze saare banā liye maiñ ne
ashk tare bana liye main ne
dukh sharare bana liye main ne
ek dariya na ban saka mujh se
do kinare bana liye main ne
kitni diwaren kitne darwaze
Dar ke mare bana liye main ne
dhup mein baiTha aur kya karta
abr-pare bana liye main ne
ab ishaaron se kaam leta hun
kuchh ishaare bana liye main ne
aasman ko bhi jo nasib nahin
wo sitare bana liye main ne
kya karun chaak toD dun 'ghaer'
kuze sare bana liye main ne
- Book : Ek Shaam Tumhare Hisse Ki (Pg. 99)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
