baat kya hai ye bataen to sahi

SabeenSaif

baat kya hai ye bataen to sahi

SabeenSaif

MORE BY SabeenSaif

    baat kyā hai ye batā.eñ to sahī

    guftugū aage baḌhā.eñ to sahī

    jaan jā.eñge kharā khoTā hai kyā

    aap mujh ko āzmā.eñ to sahī

    uñgliyāñ uTTheñgī chāroñ aap par

    aap ik uñglī uThā.eñ to sahī

    banda-parvar nā-umīdī kufr hai

    ik diyā phir se jalā.eñ to sahī

    chāñd taare muntazir haiñ aap ke

    āsmāñ tak aap jaa.eñ to sahī

    vasl kar degā ḳhizāñ ko fasl-e-gul

    phuul bāloñ meñ lagā.eñ to sahī

    dekhiye suniye are jaane bhī deñ

    aap mere saath aa.eñ to sahī

    ḳhud ko rakh kar bhuul baiThī huuñ kahīñ

    maiñ kahāñ huuñ kuchh batā.eñ to sahī

    aap to bas ghar banā kar rah ga.e

    aap is ghar ko basā.eñ to sahī

    chuTkiyoñ meñ bhuul jā.ūñgī unheñ

    ab mujhe vo yaad aa.eñ to sahī

    niiñd āñkhoñ se ḳhafā ho jā.egī

    ḳhvāb palkoñ par sajā.eñ to sahī

    jaan le lūñgī qasam allāh

    bhuul kar mujh ko bhulā.eñ to sahī

    āzmāne ke liye qismat 'sabīn'

    dil ko daav par lagā.eñ to sahī

    baat kya hai ye bataen to sahi

    guftugu aage baDhaen to sahi

    jaan jaenge khara khoTa hai kya

    aap mujh ko aazmaen to sahi

    ungliyan uTThengi chaaron aap par

    aap ek ungli uThaen to sahi

    banda-parwar na-umidi kufr hai

    ek diya phir se jalaen to sahi

    chand tare muntazir hain aap ke

    aasman tak aap jaen to sahi

    wasl kar dega KHizan ko fasl-e-gul

    phul baalon mein lagaen to sahi

    dekhiye suniye are jaane bhi den

    aap mere sath aaen to sahi

    KHud ko rakh kar bhul baiThi hun kahin

    main kahan hun kuchh bataen to sahi

    aap to bas ghar bana kar rah gae

    aap is ghar ko basaen to sahi

    chuTkiyon mein bhul jaungi unhen

    ab mujhe wo yaad aaen to sahi

    nind aankhon se KHafa ho jaegi

    KHwab palkon par sajaen to sahi

    jaan le lungi qasam allah ki

    bhul kar mujh ko bhulaen to sahi

    aazmane ke liye qismat 'sabin'

    dil ko daw par lagaen to sahi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites