baat sab tishna-labon ko ye batani hogi

baat sab tishna-laboñ ko ye batānī hogī

ret se pyaas tumheñ apnī bujhānī hogī

ik taraf hogā faqat misr meñ yūsuf kā jamāl

ik taraf dekh zuleḳhā kī javānī hogī

aaj rūhānī mohabbat kī rivāyat hī nahīñ

ab to rādhā na koī miirā divānī hogī

aaj phir sūkhe hue zaḳhm se ḳhuuñ aayā hai

choT shāyad ye bahut us kī purānī hogī

shahr vīrān hai sahrā hai bayābānī hai

yahīñ bastī tirī yādoñ kī basānī hogī

ik ġhazal maiñ ne kahī thī jo tumhārī ḳhātir

bazm meñ aaj vahī sab ko sunānī hogī

kab talak us ke ta'āqub meñ phirogī 'rūbī'

ek din tum ko na.ī raah banānī hogī

baat sab tishna-labon ko ye batani hogi

ret se pyas tumhein apni bujhani hogi

ek taraf hoga faqat misr mein yusuf ka jamal

ek taraf dekh zuleKHa ki jawani hogi

aaj ruhani mohabbat ki riwayat hi nahin

ab to radha na koi mera diwani hogi

aaj phir sukhe hue zaKHm se KHun aaya hai

choT shayad ye bahut us ki purani hogi

shahr viran hai sahra hai bayabani hai

yahin basti teri yaadon ki basani hogi

ek ghazal main ne kahi thi jo tumhaari KHatir

bazm mein aaj wahi sab ko sunani hogi

kab talak us ke ta'aqub mein phirogi 'rubi'

ek din tum ko nai rah banani hogi