Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

baDi mushkil thi duniya se hamein do-chaar hona tha

Manish Shukla

baDi mushkil thi duniya se hamein do-chaar hona tha

Manish Shukla

MORE BYManish Shukla

    baḌī mushkil thī duniyā se hameñ do-chār honā thā

    aur us par ye musībat sāhab-e-kirdār honā thā

    jahāñ ḳhāmosh rahnā thā vahāñ iz.hār kar baiThe

    vahāñ ḳhāmosh baiThe haiñ jahāñ iz.hār honā thā

    hamārī zindagī ke sānhe bhī kyā 'ajab guzre

    usī par mar miTe jis se hameñ bezār honā thā

    udhar un ko bhī duniyā ko dikhānā thā hunar apnā

    idhar ham ko bhī be-parda sar-e-bāzār honā thā

    sunāte rah ga.e behis zamāne ko ġhazal apnī

    kise sarshār karte ham kise sarshār honā thā

    hamāre TūTne ko hādsa samjhā gayā lekin

    hamāre TūTne se rāsta tayyār honā thā

    hazāroñ be-asar manzar nigāhoñ meñ bhare lekin

    vahāñ āñkheñ gañvā baiThe jahāñ dīdār honā thā

    baDi mushkil thi duniya se hamein do-chaar hona tha

    aur us par ye musibat sahab-e-kirdar hona tha

    jahan KHamosh rahna tha wahan izhaar kar baiThe

    wahan KHamosh baiThe hain jahan izhaar hona tha

    hamari zindagi ke sanhe bhi kya 'ajab guzre

    usi par mar miTe jis se hamein bezar hona tha

    udhar un ko bhi duniya ko dikhana tha hunar apna

    idhar hum ko bhi be-parda sar-e-bazar hona tha

    sunate rah gae behis zamane ko ghazal apni

    kise sarshaar karte hum kise sarshaar hona tha

    hamare TuTne ko hadsa samjha gaya lekin

    hamare TuTne se rasta tayyar hona tha

    hazaron be-asar manzar nigahon mein bhare lekin

    wahan aankhen ganwa baiThe jahan didar hona tha

    Source :
    • Book : Raushni Jaari Karo (Pg. 42)
    • Author : Manish Shukla
    • Publication : Rekhta Publications (2018)
    • Edition : First
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now