bahr mein sochti thi main tumko

Shahida Majeed

bahr mein sochti thi main tumko

Shahida Majeed

MORE BY Shahida Majeed

    bahr meñ sochtī thī maiñ tum ko

    sher meñ Dhāltī thī maiñ tum ko

    saare jag meñ talāshnā to alag

    tum meñ bhī khojtī thī maiñ tum ko

    muḳhtalif tum nahīñ the duniyā se

    muḳhtalif sochtī thī maiñ tum ko

    kho ke mujh ko ye sochte ho

    kis qadar chāhtī thī maiñ tum ko

    mujh ko har ġham navāzne vaale

    har ḳhushī sauñptī thī maiñ tum ko

    tum āchānak badal ga.e to khulā

    kitnā kam jāntī thī maiñ tum ko

    saañp par paañv aa gayā merā

    ḳhvāb meñ dekhtī thī maiñ tum ko

    āḳhirash tum ne maar Daalā mujhe

    zindagī māntī thī maiñ tum ko

    bahr mein sochti thi main tum ko

    sher mein Dhaalti thi main tum ko

    sare jag mein talashna to alag

    tum mein bhi khojti thi main tum ko

    muKHtalif tum nahin the duniya se

    muKHtalif sochti thi main tum ko

    kho ke mujh ko ye sochte ho na

    kis qadar chahti thi main tum ko

    mujh ko har gham nawazne wale

    har KHushi saunpti thi main tum ko

    tum aachanak badal gae to khula

    kitna kam jaanti thi main tum ko

    sanp par panw aa gaya mera

    KHwab mein dekhti thi main tum ko

    aaKHirash tum ne mar Dala mujhe

    zindagi manti thi main tum ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites