bahut dinon mein ye kar-e-hunar kiya maine

bahut dinoñ meñ ye kār-e-hunar kiyā maiñ ne

ḳhud apne aap se aage safar kiyā maiñ ne

ye soch kar ki nishāne ḳhatā hue haiñ ka.ī

phir ek vaar bahut kārgar kiyā maiñ ne

vo ek sang thā aur sang bhī nihāyat saḳht

so us ko dil kiyā aur dil meñ ghar kiyā maiñ ne

dahak rahā thā bahut maiñ ḳhumār-e-ḳhvāhish se

ḳhayāl ye use shab dekh kar kiyā maiñ ne

hunar-varī kā taqāza thā 'āftāb-husain'

so apne aap ko kuchh be-hunar kiyā maiñ ne

bahut dinon mein ye kar-e-hunar kiya main ne

KHud apne aap se aage safar kiya main ne

ye soch kar ki nishane KHata hue hain kai

phir ek war bahut kargar kiya main ne

wo ek sang tha aur sang bhi nihayat saKHt

so us ko dil kiya aur dil mein ghar kiya main ne

dahak raha tha bahut main KHumar-e-KHwahish se

KHayal ye use shab dekh kar kiya main ne

hunar-wari ka taqaza tha 'aftab-husain'

so apne aap ko kuchh be-hunar kiya main ne