bahut hasin thi kabhi ye duniya mere mutabiq

Neelam Malik

bahut hasin thi kabhi ye duniya mere mutabiq

Neelam Malik

MORE BY Neelam Malik

    bahut hasīñ thī kabhī ye duniyā mire mutābiq

    magar rahā ab na us chehra mire mutābiq

    maiñ is liye ik daraḳht se baat kar rahī huuñ

    rahegā chup javāb degā mire mutābiq

    tire likhe ko ġhalat nahīñ kah rahī maiñ lekin

    savāl ye hai ki kyoñ na likkhā mire mutābiq

    yahāñ pe sab mere ḳhānvāde se āshnā haiñ

    mirā ta.āruf na ho sakegā mire mutābiq

    tire mutābiq maiñ terī rūdād sun chukī huuñ

    nahīñ hai kirdār us meñ merā mire mutābiq

    nikāl de merī āñkhoñ sūiyāñ ab

    na aa.egā koī shāhzāda mire mutābiq

    maiñ gungunātī faqat tirā naam us lai par

    magar ye kam-baḳht dil na dhaḌkā mire mutābiq

    bahut hasin thi kabhi ye duniya mere mutabiq

    magar raha ab na us ka chehra mere mutabiq

    main is liye ek daraKHt se baat kar rahi hun

    rahega chup ya jawab dega mere mutabiq

    tere likhe ko ghalat nahin kah rahi main lekin

    sawal ye hai ki kyon na likkha mere mutabiq

    yahan pe sab mere KHanwade se aashna hain

    mera taaruf na ho sakega mere mutabiq

    tere mutabiq main teri rudad sun chuki hun

    nahin hai kirdar us mein mera mere mutabiq

    nikal de tu hi meri aankhon ki suiyan ab

    na aaega koi shahzada mere mutabiq

    main gungunati faqat tera nam us ki lai par

    magar ye kam-baKHt dil na dhaDka mere mutabiq

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites