bante bante na bana ek bhi chehra lekin

bante bante na banā ek bhī chehra lekin

hāfize meñ thā koī chaak pe rakkhā lekin

vo bahut baa'd bahut baa'd meñ bichhḌā lekin

darmiyāñ kab se thī ham donoñ ke duniyā lekin

tū mirā kyā hai koī pūchhe to keh dūñgā use

muḳhtalif jism mirī zaat kā hissa lekin

bhiiḌ kahtī thī ki tanhā.ī meñ mar jā.egā

haa.e afsos mujhe bhiiḌ ne maarā lekin

lab-e-larzāñ se mire lafz na utrā koī

merī āñkhoñ ne bahut shor machāyā lekin

maiñ tujhe 'ishq to quvvat se pare kartā thā

mere hisse meñ tirā hijr hī aayā lekin

bante bante na bana ek bhi chehra lekin

hafize mein tha koi chaak pe rakkha lekin

wo bahut ba'd bahut ba'd mein bichhDa lekin

darmiyan kab se thi hum donon ke duniya lekin

tu mera kya hai koi puchhe to keh dunga use

muKHtalif jism meri zat ka hissa lekin

bhiD kahti thi ki tanhai mein mar jaega

hae afsos mujhe bhiD ne mara lekin

lab-e-larzan se mere lafz na utra koi

meri aankhon ne bahut shor machaya lekin

main tujhe 'ishq to quwwat se pare karta tha

mere hisse mein tera hijr hi aaya lekin