bhar raha hun andhere ujale ko main

bhar rahā huuñ añdhere ujāle ko maiñ

kyā kahūñ zindagī dene vaale ko maiñ

nuur ke dā.ere meñ hai chehra tirā

dekhtā huuñ mire chāñd haale ko maiñ

mere sansār meñ sar uThā.egā jo

naath lūñgā har ik aise kaale ko maiñ

un ke zulm-o-sitam ko bhī kahtā nahīñ

kyā kahūñ apne hoñToñ ke taale ko maiñ

ḳhatm jis par hai duniyā kī fitnagarī

chāhtā huuñ usī bhole-bhāle ko maiñ

aap kā'ba ko jaa.eñ baḌe shauq se

jā.ūñ behad ḳhushī se shivāle ko maiñ

yaad karne lagā saḳhtiyāñ duur kī

dekh kar ek nāzoñ ke paale ko maiñ

saarī duniyā se behtar samajhtā rahā

be-ġharaz dostī karne vaale ko maiñ

bhar raha hun andhere ujale ko main

kya kahun zindagi dene wale ko main

nur ke daere mein hai chehra tera

dekhta hun mere chand haale ko main

mere sansar mein sar uThaega jo

nath lunga har ek aise kale ko main

un ke zulm-o-sitam ko bhi kahta nahin

kya kahun apne honTon ke tale ko main

KHatm jis par hai duniya ki fitnagari

chahta hun usi bhole-bhaale ko main

aap ka'ba ko jaen baDe shauq se

jaun behad KHushi se shiwale ko main

yaad karne laga saKHtiyan dur ki

dekh kar ek nazon ke pale ko main

sari duniya se behtar samajhta raha

be-gharaz dosti karne wale ko main