bhaTak na jae phir insan rah dikhao zara

bhaTak na jaa.e phir insān rah dikhāo zarā

charāġh phir se añdheroñ meñ tum jalāo zarā

jo maañg lete salīqe se jaan de dete

magar daġhā se tumheñ kyā milā batāo zarā

vo de gayā hai daġhā jis se kī vafā barsoñ

vafā kī kis se ab ummīd ho batāo zarā

agar ġhazal meñ tumhārī davā-e-dard bhī hai

to aao mere qarīb aur ġhazal sunāo zarā

'rafīq' manzileñ āsā.ishoñ se bhāgtī haiñ

tumhāre peT pe patthar hai kyā dikhāo zarā

bhaTak na jae phir insan rah dikhao zara

charagh phir se andheron mein tum jalao zara

jo mang lete saliqe se jaan de dete

magar dagha se tumhein kya mila batao zara

wo de gaya hai dagha jis se ki wafa barson

wafa ki kis se ab ummid ho batao zara

agar ghazal mein tumhaari dawa-e-dard bhi hai

to aao mere qarib aur ghazal sunao zara

'rafiq' manzilen aasaishon se bhagti hain

tumhaare peT pe patthar hai kya dikhao zara