dabe lafzon kiya wada ba-KHubi hum nibhaenge

dabe lafzoñ kiyā vā'da ba-ḳhūbī ham nibhā.eñge

mohabbat kā taqāzā hai na tum ko bhuul pā.eñge

girā kar parde palkoñ ke namī-ḳhurda nigāhoñ par

tumhārī yaad meñ kho kar shab-e-furqat bitā.eñge

bahā le jā.egā sailāb-e-girya ḳhema-e-jāñ ko

tanābeñ khīñch bhī leñ to use kab tak bachā.eñge

be-andāza mile haiñ ḳhūbī-e-taqdīr se ham ko

ḳhudā mā'lūm ye ambār-e-ġham kaise uThā.eñge

nahīñ miltā koī mā'qūl istidlāl jiine kā

jahān-e-fānī-e-be-rang qasdan chhoḌ jā.eñge

mahaktī shāḳh se hogī mo'attar phir mashām-e-jāñ

jo gul-andām ko chashm-e-tasavvur meñ sajā.eñge

akele aa.e the ham to dayār-e-'ishq meñ 'kāmī'

na jaane kyoñ ye lagtā hai akele lauT jā.eñge

dabe lafzon kiya wa'da ba-KHubi hum nibhaenge

mohabbat ka taqaza hai na tum ko bhul paenge

gira kar parde palkon ke nami-KHurda nigahon par

tumhaari yaad mein kho kar shab-e-furqat bitaenge

baha le jaega sailab-e-girya KHema-e-jaan ko

tanaben khinch bhi len to use kab tak bachaenge

be-andaza mile hain KHubi-e-taqdir se hum ko

KHuda ma'lum ye ambar-e-gham kaise uThaenge

nahin milta koi ma'qul istidlal jine ka

jahan-e-fani-e-be-rang qasdan chhoD jaenge

mahakti shaKH se hogi mo'attar phir masham-e-jaan

jo gul-andam ko chashm-e-tasawwur mein sajaenge

akele aae the hum to dayar-e-'ishq mein 'kaami'

na jaane kyon ye lagta hai akele lauT jaenge