dhoka khane pe ro paDa hoga
dhokā khāne pe ro paḌā hogā
ye koī 'ishq meñ nayā hogā
dekh kar hoñToñ kī ratūbat ko
muñh meñ paanī to aa gayā hogā
pahlī tārīḳh hai bahār kī aaj
vo kahīñ phuul chun rahā hogā
saare raushan ḳhayāl baiThe haiñ
maz.habī aadmī kā kyā hogā
dil-kashī ek dam huī hai tulū'
koī ġhusse meñ hañs paḌā hogā
biich raste meñ us ne chhoḌ diyā
aur mohabbat meñ kyā burā hogā
dhoka khane pe ro paDa hoga
ye koi 'ishq mein naya hoga
dekh kar honTon ki ratubat ko
munh mein pani to aa gaya hoga
pahli tariKH hai bahaar ki aaj
wo kahin phul chun raha hoga
sare raushan KHayal baiThe hain
mazhabi aadmi ka kya hoga
dil-kashi ek dam hui hai tulu'
koi ghusse mein hans paDa hoga
bich raste mein us ne chhoD diya
aur mohabbat mein kya bura hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
