dil ka ahwal zamane pe ayan ho sakta

dil kā ahvāl zamāne pe ayaañ ho saktā

lafz ai kaash tamannā kī zabāñ ho saktā

ye samajhte hī nahīñ dard kā baa.is kyā hai

merā dil kaash dil-e-chāra-garāñ ho saktā

dekh saktā kisī ḳhanjar kī lapak kā manzar

koī ġham-ḳhvār qarīb-e-rag-e-jāñ ho saktā

chāñd kī mash.al-e-be-kār bujhā dī jaatī

raat par raat kā shiddat se gumāñ ho saktā

kam na hotī jo tapish dard ke añgāroñ kī

ruuh meñ hausla-e-zabt-e-fuġhāñ ho saktā

sher banñe se ḳhayālāt bikhar jaate haiñ

kaash 'jamshed' ye dukh yūñhī bayāñ ho saktā

dil ka ahwal zamane pe ayan ho sakta

lafz ai kash tamanna ki zaban ho sakta

ye samajhte hi nahin dard ka bais kya hai

mera dil kash dil-e-chaara-garan ho sakta

dekh sakta kisi KHanjar ki lapak ka manzar

koi gham-KHwar qarib-e-rag-e-jaan ho sakta

chand ki mashal-e-be-kar bujha di jati

raat par raat ka shiddat se guman ho sakta

kam na hoti jo tapish dard ke angaron ki

ruh mein hausla-e-zabt-e-fughan ho sakta

sher banne se KHayalat bikhar jate hain

kash 'jamshed' ye dukh yunhi bayan ho sakta