ghair ke sath kabhi zikr hamara na karen

ġhair ke saath kabhī zikr hamārā na kareñ

ham ko bad-nām kareñ ishq ko rusvā na kareñ

dil ye kahtā hai muqaddar hai pareshāñ rahnā

aql kahtī hai ki ham zulf kā saudā na kareñ

kyā zarūrat hai balā un kī sañvāre gesū

ik nazar dekh leñ jis ko use dīvāna kareñ

kyā nahīñ jānte ham rañg-e-talavvun un kā

mehrbāñ paa.eñ bhī to arz-e-tamannā na kareñ

'beḳhud'-e-zār ko ab dekh ke jhuk jaatī haiñ

vo nigāheñ jo kabhī paas kisī kā na kareñ

ghair ke sath kabhi zikr hamara na karen

hum ko bad-nam karen ishq ko ruswa na karen

dil ye kahta hai muqaddar hai pareshan rahna

aql kahti hai ki hum zulf ka sauda na karen

kya zarurat hai bala un ki sanware gesu

ek nazar dekh len jis ko use diwana karen

kya nahin jaante hum rang-e-talawwun un ka

mehrban paen bhi to arz-e-tamanna na karen

'beKHud'-e-zar ko ab dekh ke jhuk jati hain

wo nigahen jo kabhi pas kisi ka na karen