gale se der talak lag ke roen abr-o-sahab

Aamir Suhail

gale se der talak lag ke roen abr-o-sahab

Aamir Suhail

MORE BY Aamir Suhail

    gale se der talak lag ke ro.eñ abr-o-sahāb

    haTā diye haiñ zamān-o-makāñ ke ham ne hijāb

    lahad miTTī taqdīr amaan maiñ duuñ

    safed laTThe meñ kafnā ke surḳh shāḳh-e-gulāb

    maiñ āsmān tire jism pe bichhā detā

    magar ye niil meñ chādar banī nahīñ kamḳhāb

    tirā vo rātoñ ko uTh kar sisak sisak ronā

    lahū meñ niiñd Tīseñ palak pe ijz ke ḳhvāb

    tire jalā.e diyoñ meñ bhaḌaktī aag pher

    zamīñ rehl pe rakkhe na raushnī kitāb

    havā bahisht ke bāġhoñ zulf zulf phire

    tirī lahad tire bālīñ ke gard jū-e-sharāb

    kamān khīñch zamāne sū-e-sīna-zanāñ

    ai farq-e-nāz gale se utaar tauq-e-ġhayāb

    maiñ ek yaḳh-zada māthe ko chuum kar dam-e-sub.h

    tirī zamīnoñ se guzrūñgā ai jahān-e-ḳharāb

    mashaqqatī haiñ tire kāḳh-o-kū-e-hijr ke ham

    ai kār-ḳhāna-e-aflāk-o-ḳhāk-o-āb-o-sarāb

    ye tañg-o-tār-gaḌhā nuur se bhare 'āmir'

    sadā rahe tere hujre meñ hāla-e-māhtāb

    gale se der talak lag ke roen abr-o-sahab

    haTa diye hain zaman-o-makan ke hum ne hijab

    lahad ki miTTi ki taqdir ki aman main dun

    safed laTThe mein kafna ke surKH shaKH-e-gulab

    main aasman tere jism pe bichha deta

    magar ye nil mein chadar bani nahin kamKHab

    tera wo raaton ko uTh kar sisak sisak rona

    lahu mein nind ki Tisen palak pe ijz ke KHwab

    tere jalae diyon mein bhaDakti aag ka pher

    zamin ki rehl pe rakkhe na raushni ki kitab

    hawa bahisht ke baghon ki zulf zulf phire

    teri lahad tere baalin ke gard ju-e-sharab

    kaman khinch zamane ki su-e-sina-zanan

    ai farq-e-naz gale se utar tauq-e-ghayab

    main ek yaKH-zada mathe ko chum kar dam-e-subh

    teri zaminon se guzrunga ai jahan-e-KHarab

    mashaqqati hain tere kaKH-o-ku-e-hijr ke hum

    ai kar-KHana-e-aflak-o-KHak-o-ab-o-sarab

    ye tang-o-tar-gaDha nur se bhare 'amir'

    sada rahe tere hujre mein haala-e-mahtab

    Source:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY