guzri thi ek bar jo dil ki gali se main

Fahmida Mosarrat Ahmad

guzri thi ek bar jo dil ki gali se main

Fahmida Mosarrat Ahmad

MORE BY Fahmida Mosarrat Ahmad

    guzrī thī ek baar jo dil galī se maiñ

    do-chār aaj bhī huuñ usī be-kalī se maiñ

    be-zār is qadar huuñ ġham-e-āshiqī se maiñ

    mujh se zarā ḳhafā hai ḳhushī aur ḳhushī se maiñ

    niklī huuñ jab se DhūñDne be-laus chāhateñ

    dhokā khā rahī huuñ baḌī sādgī se maiñ

    ma.adūm us aañkh se pahchān ho ga.ī

    jaise ki mill rahī thī kisī ajnabī se maiñ

    jins-e-vafā jahān meñ nāyāb kyoñ huī

    ro ro ke pūchhtī rahī har aadmī se maiñ

    apnī ḳhushī se vaise basar to na kar sakī

    nārāz bhī nahīñ huuñ magar zindagī se maiñ

    maiñ ne bhī saaf lafzoñ meñ ġham se ye kah diyā

    pīchhā chhuḌā ke aa.ī huuñ afsurdagī se maiñ

    mai-ḳhāna chal ke riñd ḳhud pūchhtā hai haal

    mānūs is tarah se huuñ ab mai-kashī se maiñ

    jām-o-subū nahīñ tirī āñkhoñ se ab pilā

    ai saaqī mar na jā.ūñ kahīñ tishnagī se maiñ

    guzri thi ek bar jo dil ki gali se main

    do-chaar aaj bhi hun usi be-kali se main

    be-zar is qadar hun gham-e-ashiqi se main

    mujh se zara KHafa hai KHushi aur KHushi se main

    nikli hun jab se DhunDne be-laus chahaten

    dhoka hi kha rahi hun baDi sadgi se main

    madum us ki aankh se pahchan ho gai

    jaise ki mill rahi thi kisi ajnabi se main

    jins-e-wafa jahan mein nayab kyon hui

    ro ro ke puchhti rahi har aadmi se main

    apni KHushi se waise basar to na kar saki

    naraaz bhi nahin hun magar zindagi se main

    main ne bhi saf lafzon mein gham se ye kah diya

    pichha chhuDa ke aai hun afsurdagi se main

    mai-KHana chal ke rind ka KHud puchhta hai haal

    manus is tarah se hun ab mai-kashi se main

    jam-o-subu nahin teri aankhon se ab pila

    ai saqi mar na jaun kahin tishnagi se main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY