hadson se be-KHabar the log dharti par tamam

Aabid Adeeb

hadson se be-KHabar the log dharti par tamam

Aabid Adeeb

MORE BY Aabid Adeeb

    hādsoñ se be-ḳhabar the log dhartī par tamām

    āsmāñ nīlgūñ āñkhoñ meñ the manzar tamām

    rafta rafta rasm-e-sañg-bārī jahāñ se uTh ga.ī

    dhīre dhīre ho ga.e bastī ke sab patthar tamām

    tishna-lab dhartī pe jab bahtā hai pyāsoñ lahū

    muddatoñ maqtal meñ sar ḳham rahte haiñ ḳhanjar tamām

    zindagī bikhrī huī hai is tarah fōtpath par

    bastiyāñ ābād haiñ aur log haiñ be-ghar tamām

    shāhrāheñ daf.atan sho.ale ugalne lag ga.iiñ

    ghar jānib chal paḌā hai shahr ghabrā kar tamām

    sub.h ke saare ujāle rāstoñ meñ kho ga.e

    shab ke añdhiyāroñ meñ gum haiñ shaam ke manzar tamām

    ab kahāñ vo log vo raunaq vo naġhme vo fazā

    shahr galiyāñ haiñ suunī suune bām-o-dar tamām

    hadson se be-KHabar the log dharti par tamam

    aasman ki nilgun aankhon mein the manzar tamam

    rafta rafta rasm-e-sang-bari jahan se uTh gai

    dhire dhire ho gae basti ke sab patthar tamam

    tishna-lab dharti pe jab bahta hai pyason ka lahu

    muddaton maqtal mein sar KHam rahte hain KHanjar tamam

    zindagi bikhri hui hai is tarah footpath par

    bastiyan aabaad hain aur log hain be-ghar tamam

    shahrahen dafatan shoale ugalne lag gain

    ghar ki jaanib chal paDa hai shahr ghabra kar tamam

    subh ke sare ujale raston mein kho gae

    shab ke andhiyaron mein gum hain sham ke manzar tamam

    ab kahan wo log wo raunaq wo naghme wo faza

    shahr ki galiyan hain suni sune baam-o-dar tamam

    Source:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY