husn ki ranginiyon ka zikr har mahfil mein hai

husn kī rañgīniyoñ kā zikr har mahfil meñ hai

shauq kā tūfāñ nihāñ lekin sukūt-e-dil meñ hai

rahguzar bhī rāh-rau bhī rāhbar bhī dil sadā

gar kisī manzil meñ hai to shauq kī manzil meñ hai

tum ne dekhā hai tabassum rañg aur ra.anā.iyāñ

zaḳhm bhī dekhā kabhī jo phuul ke bhī dil meñ hai

vo bhī majbūr-e-vafā hai maiñ bhī majbūr-e-vafā

maiñ bhī kis mushkil meñ huuñ aur vo bhī kis mushkil meñ hai

vo tabassum vo nigah aur vo adā.eñ ḳhaas ḳhaas

raushnī kin kin charāġhoñ kī na jaane dil meñ hai

tā-dam-e-āḳhir raheñge hasratoñ ke silsile

ek hasrat dil se niklī ek hasrat dil meñ hai

chal rahā huuñ maiñ agarche kārvāñ ke saath

ek tanhā.ī kā aalam har qadam par dil meñ hai

rahne do lahroñ pe merī kashtī-e-kuhna 'habīb'

ḳhūgar-e-tūfāñ kī turbat ik kaf-e-sāhil meñ hai

husn ki ranginiyon ka zikr har mahfil mein hai

shauq ka tufan nihan lekin sukut-e-dil mein hai

rahguzar bhi rah-rau bhi rahbar bhi dil sada

gar kisi manzil mein hai to shauq ki manzil mein hai

tum ne dekha hai tabassum rang aur ranaiyan

zaKHm bhi dekha kabhi jo phul ke bhi dil mein hai

wo bhi majbur-e-wafa hai main bhi majbur-e-wafa

main bhi kis mushkil mein hun aur wo bhi kis mushkil mein hai

wo tabassum wo nigah aur wo adaen KHas KHas

raushni kin kin charaghon ki na jaane dil mein hai

ta-dam-e-aKHir rahenge hasraton ke silsile

ek hasrat dil se nikli ek hasrat dil mein hai

chal raha hun main agarche karwan ke sath

ek tanhai ka aalam har qadam par dil mein hai

rahne do lahron pe meri kashti-e-kuhna 'habib'

KHugar-e-tufan ki turbat ek kaf-e-sahil mein hai