pata hun sahl zist ke mushkil safar ko main

paatā huuñ sahl ziist ke mushkil safar ko maiñ

kyoñ kar duā na duuñ but-e-dīvāna-gar ko maiñ

chhoTī sī apnī baat to afsāna ban ga.ī

jab bazm meñ chhupā na sakā chashm-e-tar ko maiñ

ek ik qadam pe jhuktā rahā hai sar-e-niyāz

manzil hī apnī samjhā tirī rahguzar ko maiñ

ai sāġhar-e-hayāt tirī talḳhiyāñ qubūl

saaqī ko saath pā.ūñ jo lutf-e-nazar ko maiñ

dam bhar rukā jo ishq kī manzil meñ kho gayā

ek ik se pūchhtā huuñ ki jā.ūñ kidhar ko maiñ

phir be-ḳhudī se hosh kī jānib huuñ baḌh rahā

phir DhūñDhtā huuñ aaj tumhārī nazar ko maiñ

yuuñ chheḌtā huuñ piirī meñ qisse shabāb ke

phir DhūñDhtā huuñ raakh meñ goyā sharar ko maiñ

aa.e na vo 'habīb' na dil kī kalī khilī

phir kyoñ na shām-e-ġham kahūñ aisī sahar ko maiñ

pata hun sahl zist ke mushkil safar ko main

kyon kar dua na dun but-e-diwana-gar ko main

chhoTi si apni baat to afsana ban gai

jab bazm mein chhupa na saka chashm-e-tar ko main

ek ek qadam pe jhukta raha hai sar-e-niyaz

manzil hi apni samjha teri rahguzar ko main

ai saghar-e-hayat teri talKHiyan qubul

saqi ko sath paun jo lutf-e-nazar ko main

dam bhar ruka jo ishq ki manzil mein kho gaya

ek ek se puchhta hun ki jaun kidhar ko main

phir be-KHudi se hosh ki jaanib hun baDh raha

phir DhunDhta hun aaj tumhaari nazar ko main

yun chheDta hun piri mein qisse shabab ke

phir DhunDhta hun rakh mein goya sharar ko main

aae na wo 'habib' na dil ki kali khili

phir kyon na sham-e-gham kahun aisi sahar ko main