pahle bhi tanha the lekin hum ko ilm na tha

pahle bhī tanhā the lekin ham ko 'ilm na thā

tujh se mil kar ham ne tanhā.ī ko pahchānā

bistar aur dīvār hī se bas apnī qurbat thī

vo thā mere saath magar kab mere saath vo thā

khiḌkī ke pardoñ se chhan kar raushniyoñ ke rang

kamre-bhar meñ bikhar ga.e maiñ soyā paḌā rahā

ek zarā sī aahaT hotī maiñ uTh jaatā thā

ab kī baar vo dastak de kar shāyad lauT gayā

dīvāroñ ko dekh ke duniyā bhar kī yaad aa.ī

bistar kī shiknoñ meñ apne ruup kā dhyān kiyā

pahle bhi tanha the lekin hum ko 'ilm na tha

tujh se mil kar hum ne tanhai ko pahchana

bistar aur diwar hi se bas apni qurbat thi

wo tha mere sath magar kab mere sath wo tha

khiDki ke pardon se chhan kar raushniyon ke rang

kamre-bhar mein bikhar gae main soya paDa raha

ek zara si aahaT hoti main uTh jata tha

ab ki bar wo dastak de kar shayad lauT gaya

diwaron ko dekh ke duniya bhar ki yaad aai

bistar ki shiknon mein apne rup ka dhyan kiya