sab yaqin bech kar sab guman bech kar

sab yaqīñ bech kar sab gumāñ bech kar

maiñ tavañgar huuñ sūd-o-ziyāñ bech kar

jhaḌ ga.e merī shāḳhoñ se barg-o-samar

phir bahāreñ ḳharīdīñ ḳhizāñ bech kar

ik nayā āshiyāna banā.ūñgā maiñ

bar-lab-e-maikadā ik makāñ bech kar

sab bikegā yahāñ bekasī ke sivā

maiñ abhī aa rahā huuñ zabāñ bech kar

apne bachchoñ kī rozī kamātā rahā

vo adālat meñ apnā bayāñ bech kar

mujh kasāfat-zada ne gulistān meñ

ik nayā ghar liyā titliyāñ bech kar

muflisī ruuh kī ab bhī pahle sī hai

kyā kamāyā dil-e-naġhma-ḳhvāñ bech kar

'ābdī' chup rahā maslahat ke sabab

kaun ḳhush hai yahāñ āstāñ bech kar

sab yaqin bech kar sab guman bech kar

main tawangar hun sud-o-ziyan bech kar

jhaD gae meri shaKHon se barg-o-samar

phir bahaaren KHaridin KHizan bech kar

ek naya aashiyana banaunga main

bar-lab-e-maikada ek makan bech kar

sab bikega yahan bekasi ke siwa

main abhi aa raha hun zaban bech kar

apne bachchon ki rozi kamata raha

wo adalat mein apna bayan bech kar

mujh kasafat-zada ne gulistan mein

ek naya ghar liya titliyan bech kar

muflisi ruh ki ab bhi pahle si hai

kya kamaya dil-e-naghma-KHwan bech kar

'abdi' chup raha maslahat ke sabab

kaun KHush hai yahan aastan bech kar