teri inayaton ka ajab rang-Dhang tha
terī 'ināyatoñ kā 'ajab rang-Dhang thā
tere huzūr pā-e-qanā’at meñ lang thā
sahrā ko rauñdne kī havas pā-ba-gil hai ab
yuuñ thā kabhī ki dāman-e-āfāq tang thā
dāman ko tere thaam ke rāhat baḌī milī
ab tak maiñ apne aap se masrūf-e-jang thā
hangām-e-yād dil meñ na aahaT na dastakeñ
shorish-kade meñ raat ḳhamoshī kā rang thā
tū aayā lauT aayā hai guzre dinoñ kā nuur
chehroñ pe apne varna to barsoñ kā zang thā
raqs-e-junūñ meñ bhī thā tarīq-e-hunar kā Dhab
sūfi-e-bā-safā thā koī yā malang thā
kyā āsmāñ uThāte mohabbat meñ jab ki dil
tār-e-nigah meñ uljhī huī ik patang thā
teri 'inayaton ka 'ajab rang-Dhang tha
tere huzur pa-e-qana’at mein lang tha
sahra ko raundne ki hawas pa-ba-gil hai ab
yun tha kabhi ki daman-e-afaq tang tha
daman ko tere tham ke rahat baDi mili
ab tak main apne aap se masruf-e-jang tha
hangam-e-yaad dil mein na aahaT na dastaken
shorish-kade mein raat KHamoshi ka rang tha
tu aaya lauT aaya hai guzre dinon ka nur
chehron pe apne warna to barson ka zang tha
raqs-e-junun mein bhi tha tariq-e-hunar ka Dhab
sufi-e-ba-safa tha koi ya malang tha
kya aasman uThate mohabbat mein jab ki dil
tar-e-nigah mein uljhi hui ek patang tha
- Book : Jism Ka Bartan Sard Pada Hai (Pg. 69)
- Author : Ameer Hamza Saqib
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.