allah allah

ye taqdīr ke pech-o-ḳham allāh allāh

ye tahrīr-e-lauh-o-qalam allāh allāh

ye mai-kash haiñ yā rāzdārān-e-‘ālam

ki har jaam hai jām-e-jam allāh allāh

ḳhajālat se lāt-o-hubal paanī paanī

ye tahzīb-e-nau ke sanam allāh allāh

ba-har āstān-e-buland az 'aqīdat

jabīn-e-taqaddus hai ḳham allāh allāh

fasāne kī shīrīniyāñ jān-e-shīrīñ

haqīqat kī talḳhī hai sam allāh allāh

zamāna pur-āshob duniyā muḳhālif

magar ham haiñ sābit-qadam allāh allāh

ye duniyā to kyā 'ashk' 'uqbā hai larzāñ

ye atom ye rocket ye bam allāh allāh

ye taqdir ke pech-o-KHam allah allah

ye tahrir-e-lauh-o-qalam allah allah

ye mai-kash hain ya raazdaran-e-‘alam

ki har jam hai jam-e-jam allah allah

KHajalat se lat-o-hubal pani pani

ye tahzib-e-nau ke sanam allah allah

ba-har aastan-e-buland az 'aqidat

jabin-e-taqaddus hai KHam allah allah

fasane ki shiriniyan jaan-e-shirin

haqiqat ki talKHi hai sam allah allah

zamana pur-ashob duniya muKHalif

magar hum hain sabit-qadam allah allah

ye duniya to kya 'ashk' 'uqba hai larzan

ye atom ye rocket ye bam allah allah