bambai

kahte haiñ ki bamba.ī sitāroñ kā shahr hai

mahtāb-jabīñ zohra-nigāroñ kā shahr hai

ik husn-e-farāvāñ hai jahāñ dekh jidhar dekh

ye shahr jidhar dekh bahāroñ kā shahr hai

mauqūf nahīñ ziist yahāñ bas man-o-tū par

ik do kā nahīñ hai ye hazāroñ kā shahr hai

ik dil hai nichhāvar karūñ kis kis kī adā par

ye shahr to saarā adā-kāroñ kā shahr hai

is shahr kā har gosha hai sad-rashk-e-gulistāñ

ye shahr-e-chaman hai chaman-zāroñ kā shahr hai

kahte hain ki bambai sitaron ka shahr hai

mahtab-jabin zohra-nigaron ka shahr hai

ek husn-e-farawan hai jahan dekh jidhar dekh

ye shahr jidhar dekh bahaaron ka shahr hai

mauquf nahin zist yahan bas man-o-tu par

ek do ka nahin hai ye hazaron ka shahr hai

ek dil hai nichhawar karun kis kis ki ada par

ye shahr to sara ada-karon ka shahr hai

is shahr ka har gosha hai sad-rashk-e-gulistan

ye shahr-e-chaman hai chaman-zaron ka shahr hai