bite hue din

barsāt kī bahāro mujh ko na ab satāo

jo ḳhud hī miT rahā hai us ko na tum miTāo

ai mausam-e-nigārāñ ai abr-e-nau-bahārāñ

aise meñ yaad un kī mujh ko na tum dilāo

bichhḌe hue kisī se muddat guzar chukī hai

maazī ke hādsoñ ke qisse na tum sunāo

biite hue dinoñ kī yādeñ bhulā chukī huuñ

biite hue dinoñ ko phir sāmne na laao

dil meñ machal machal kar māyūs ho chukī haiñ

in hasratoñ ko aa kar tum phir na ab jagāo

ab jaam hai na saaqī ik tishnagī hai baaqī

tum bazm meñ na aao ghir ghir ke ai ghaTāo

'nāshād' zindagī se bezār ho rahī hai

ai nit na.ī bahāro kaliyoñ ko gudgudāo

barsat ki bahaaro mujh ko na ab satao

jo KHud hi miT raha hai us ko na tum miTao

ai mausam-e-nigaran ai abr-e-nau-bahaaran

aise mein yaad un ki mujh ko na tum dilao

bichhDe hue kisi se muddat guzar chuki hai

mazi ke hadson ke qisse na tum sunao

bite hue dinon ki yaaden bhula chuki hun

bite hue dinon ko phir samne na lao

dil mein machal machal kar mayus ho chuki hain

in hasraton ko aa kar tum phir na ab jagao

ab jam hai na saqi ek tishnagi hai baqi

tum bazm mein na aao ghir ghir ke ai ghaTao

'nashad' zindagi se bezar ho rahi hai

ai nit nai bahaaro kaliyon ko gudgudao