circus

ḳhushbū raanī 'alī suhail

dekh aao circus kā khel

chamkīle kapḌoñ meñ lipTe

jhūlā jhuul rahe haiñ laḌke

taar pe ik laḌkī chaltī hai

maut ke muñh meñ vo paltī hai

sher ke piñjre meñ insān

taj kar jaa.e apnī jaan

totā top chalāne aayā

apnā rang jamāne aayā

chītā ik laḌkī ke saath

aayā haath meñ Daale haath

bhālū rickshaw khīñch ke laayā

khel se sab kā dil bahlāyā

hāthī puujā karne aayā

shankar ko pahle nahlāyā

lekin ban-mānus kī zaat

khainī ko phailā.e haath

phir jādūgar dauḌ ke aayā

man chāhā har khel dikhāyā

joker ne kyā rang jamāyā

baunoñ ne bhī ḳhuub hañsāyā

duniyā kā hai ye dastūr

peT kī ḳhātir sab majbūr

KHushbu rani 'ali suhail

dekh aao circus ka khel

chamkile kapDon mein lipTe

jhula jhul rahe hain laDke

tar pe ek laDki chalti hai

maut ke munh mein wo palti hai

sher ke pinjre mein insan

taj kar jae apni jaan

tota top chalane aaya

apna rang jamane aaya

chita ek laDki ke sath

aaya hath mein Dale hath

bhaalu rickshaw khinch ke laya

khel se sab ka dil bahlaya

hathi puja karne aaya

shankar ko pahle nahlaya

lekin ban-manus ki zat

khaini ko phailae hath

phir jadugar dauD ke aaya

man chaha har khel dikhaya

joker ne kya rang jamaya

baunon ne bhi KHub hansaya

duniya ka hai ye dastur

peT ki KHatir sab majbur